The news is by your side.

Advertisement

راولپنڈی:امام بارگاہ کے قریب خودکش حملہ،پولیس اہلکار سمیت 4جاں بحق 16زخمی،

راولپنڈی کے تھانہ ایئرپورٹ کی حدود میں امام بارگاہ کے قریب خودکش حملے میں ایس ایچ او تھانہ ایئر پورٹ چوہدری رب نواز اور پولیس اہلکار سمیت چار جاں بحق جب کہ سولہ افراد زخمی ہوگئے۔

دہشت گرد ایک مرتبہ پھر اپنی مذموم کاروائی کرنے میں کامیاب ہوگئے، راولپنڈی کے حساس علاقے گریسی لائن میں خود کش حملے نے خاموش سرد رات کا سکوت توڑ دیا، مسجد وامام بارگاہ اثنا عشری سے چند فٹ کے فاصلے پرموٹرسائیکل سوار خودکش حملہ آور نے خود کو اس وقت دھماکے سے اڑا دیا، جب پولیس اہلکاروں نے چیکنگ پوائنٹ پر اسے روکنے کی کوشش کی۔

دھماکے کے بعد ہرطرف تباہی کے مناظر تھے، دھماکے کے نتیجے میں سب انسپکٹر امانت علی سمیت دو پولیس اہلکار جاں بحق جبکہ ائیرپورٹ تھانے کے ایس ایچ او چوہدری رب نواز اور متعدد اہلکاروں سمیت سولہ افراد زخمی ہوئے، زخمیوں کو بینظیربھٹو شہید اسپتال اور قریب واقع نجی اسپتال منتقل کیا گیا۔

تاہم بعد ازاں چوہدری رب نواز اسپتال میں زخموں کی تاب نہ لاتے ہوئے دم توڑ گئے، آر پی او اختر لالیکا نے بتایا کہ حملہ آور نے پانچ سے دس کلو بارود اور بال بیئرنگ استعمال کیے، حملہ آورکا سر اور دیگر اعضاء پولیس نے اپنی تحویل میں لے لئے ہیں۔
   

Comments

comments

یہ بھی پڑھیں