راولپنڈی:نجی ٹی وی کا این ایل ای فائرنگ سے جاں بحق -
The news is by your side.

Advertisement

راولپنڈی:نجی ٹی وی کا این ایل ای فائرنگ سے جاں بحق

راولپنڈی میں ڈاکوؤں نے مزاحمت پر نجی ٹی وی کے ٹیکنیکل اسٹاف کے اہلکار کو فائرنگ کرکے قتل کردیا جبکہ دیگر وارداتوں میں ڈاکوؤں کی فائرنگ سے تین شہری زخمی بھی ہوگئے۔

راولپنڈی میں ڈکیتی اور رہزنی کی وارداتوں میں اضافہ ہوگیا ہے، ڈاکوؤں نے مزاحمت پر نجی ٹی وی کے کارکن کو فائرنگ کرکے قتل کردیا جبکہ دیگر پرتشدد وارداتوں میں ڈاکوؤں کی فائرنگ سے تین شہری زخمی بھی ہوئے ہیں۔

وارداتیں تھانہ بنی، تھانہ نیوٹاؤن اور تھانہ صادق آباد کے علاقوں میں ہوئیں، صحافتی تنظیموں نے نجی ٹی وی کے کارکن کی ڈکیتی کے دوران فائرنگ سے ہلاکت پر شدید مذمت کرتے ہوئے قاتلوں کی گرفتاری کا مطالبہ کیا۔

ڈکیتی کی بڑھتی ہوئی وارداتوں پر تاجروں نے شٹر ڈاؤن ہڑتال کی دھمکی دی، دوسری جانب پولیس نے شہرکے مختلف علاقوں میں سرچ آپریشن کے دوران پچپن سے زائد مشتبہ افراد کو تفتیش کے لئے حراست میں لے لیا۔
       

Comments

comments

یہ بھی پڑھیں