The news is by your side.

Advertisement

راولپنڈی:گھر میں آتشزدگی،3بچوں سمیت 5افراد جاں بحق

راولپنڈی کے علاقے نیو پھگواڑی گھر میں آتشزدگی سے ایک ہی خاندان کے تین بچوں سمیت پانچ افراد جاں بحق جبکہ دوشدید جھلس گئے۔

راولپنڈی کے علاقے نیو پھگواڑی کامرس کالج کے قریب ایک گھر میں آتشزدگی کے نتیجے میں ایک ہی خاندان کے تین بچوں سمیت پانچ افراد جاں بحق ہوگئے جبکہ دو افراد شدید جھلس گئے۔

ریسکیو ڈبل ون ڈبل ٹو کے مطابق آگ علی اصبح پانچ بجے کے قریب لگی اور ابتدائی تحقیقات کے مطابق واقعہ شارٹ سرکٹ کے باعث پیش آیا تاہم پولیس کی جانب سے تفتیش جاری ہے۔

ریسکیو ڈبل ون ڈبل ٹو کے مطابق جاں بحق ہونے والوں میں تیس سالہ راشد اور اس کی تین سالہ بیٹی زویہ جبکہ پانچ سالہ بچی زینب اور چھبیس سالہ عائشہ اور اسکا دو سالہ بیٹا عبداللہ شامل ہیں۔

گھر کی خاتون سمیت دو افراد بھی جھلس گئے، جن کی حالت تشویشناک بتائی گئی ہے، اہل محلہ کے مطابق شدید سردی کے باعث ہیٹر جلا گیا تھا، جس کے باعث آتشزدگی ہوئی۔

پولیس اس بات کی تحقیقات کر رہی ہے کہ ہیٹر بجلی کا تھا یا گیس کا یا آگ لگنے کی کوئی اور وجہ ہے، آتشزدگی میں جاں بحق افراد سمیت زخمیوں کو ہولی فیملی اسپتال منتقل کیا گیا۔

Comments

comments

یہ بھی پڑھیں