راولپنڈی: دومنزلہ مکان منہدم ، 9افراد جاں بحق -
The news is by your side.

Advertisement

راولپنڈی: دومنزلہ مکان منہدم ، 9افراد جاں بحق

راولپنڈی : تھانہ واہ صدر کے علاقے میں تیز بارش کے باعث دومنزلہ مکان منہدم ہونے سے ایک ہی خاندان کے نوافرادجاں بحق جبکہ چار زخمی ہوگئے، وزیراعلی پنجاب نے واقعے کی تحقیقات کاحکم دیدیا ہے۔

راولپنڈی کے علاقے واہ صدر میں تیز بارش کے باعث دو منزلہ عمارت زمین بوس ہوگئی، منہدم ہونے والی عمارت تلے متعدد افراد دب گئے، واقع کی اطلاع ملتے ہی امدادی ٹیموں نے ملبے تلے سے تین بچوں سمیت دس افراد کو زخمی حالت میں نکال لیا جبکہ نو افراد جاں بحق ہو گئے ۔

ملبےتلے دب کر جاں بحق ہونے والے افراد میں سعدیہ، سپنا، سید نذیر، ممتاز، باغ سلطانہ، شمائلہ نذیر، احمد نذیر شامل ہیں۔

ریسکیو آپریشن کے زخمیوں میں معجزانہ طور پر دس ماہ کی ایک بچی فاطمہ شامل ہے، جو جاں بحق ہونے والی ماں کی گود میں زندہ سلامت رہی۔

مبینہ ٹھیکیدار چوہدری محمداکرم نے ناقص میٹریل سے مکان تعمیر کرکے حضرو کے حاجی رفیق کو بیچ دیا، ساجد نامی شخص مکان میں رہائش پذیرمتاثرہ خاندان سے کرایہ وصول کرتا تھا، جن کے خلاف مکمل تحقیقات کا حکم دیدیا گیا ہے۔

پاک فوج، پولیس، ایدھی رضاکاروں سمیت دیگر فلاحی اداروں کے کارکنوں نے ساڈھے دس گھنٹے تک جاری ریسکیوآپریشن میں حصہ لیا۔ حکام کے مطابق عمارت میں ناقص مٹیریل استعمال کیا گیا تھا جبکہ عمارت سے ملحقہ پلازہ کے بھی دو پلر منہدم ہوچکے ہیں جو کسی بھی وقت حادثے کا شکار ہوسکتا ہے۔

اس سے قبل وزیرِداخلہ چوہدری نثارعلی خان نے بھی متعلقہ حکام سے رابطہ کرکے تفصیلات معلوم کیں اورانھیں واضح ہدایات جاری کیں۔

Comments

comments

یہ بھی پڑھیں