site
stats
اہم ترین

راولپنڈی میں خودکش دھماکہ، تین پولیس اہلکارزخممی

راولپنڈی: چیک پوسٹ پرخودکش حملہ میں تین پولیس اہلکارزخمی ہوگئے ہیں، ناکہ خفیہ اطلاع پرلگایا گیا تھا۔

تفصیلات کے مطابق راولپنڈی پولیس خفیہ اطلاع کی بناء پرواہ گارڈن کے علاقے میں ناکے پرچیکنگ کررہی تھی ، پشاور سے آنے والی بس کی چیکنگ کے دوران ایک مشکوک شخص نے فرار ہونے کی کوشش کی جب پولیس اہلکاروں نے تعاقب کیا تواس نے اہلکاروں پردستی بم سےحملہ کیا جس کے نتیجے میں تین اہلکارزخمی ہوگئے۔

موقع پرموجود دیگراہلکار جب حملہ آور کے پیچھے بھاگے تو اس نے خود کو دھماکے سے اڑالیا۔

پولیس ذرائع کے مطابق خفیہ اطلاع تھی کہ پشاور میں آنے والی بس میں بم موجود ہے اسی لئے ناکے پربس کو روکا گیا تھا۔

چند روز قبل اسی علاقے سے 3500 جعلی شناختی کارڈز بھی برآمد ہوئے تھے اوراطلاعات تھیں کہ اس علاقے میں دہشگردوں کے ہمدرد موجود ہیں۔

پولیس اور ریسکیو اداروں کی ٹیمیں جائے وقوعہ پر پہنچ گئی ہیں اور زخمی پولیس اہلکاروں کو اسپتال منتقل کردیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top