site
stats
پاکستان

راولپنڈی: نالہ لئی کی سطح خطرے کے نشان کے قریب پہنچ گئی

راولپنڈی:  نالہ لئی میں پانی کی سطح خطرے کے نشان کے قریب پہنچ گئی، جس کے باعث مکینوں کو خبردار کرنے کیلئے خطرے کے سائرن بجا دئیے گئے۔ پنجاب کے مختلف شہروں میں طوفانی بارشوں سےسینتیس افراد لقمہ اجل بن گئے۔

مون سون کی بارشوں نے پنجاب کے مختلف شہروں میں تباہی مچا دی ہے، آسمان سے برستا پانی ناقص انتظامات کے باعث کئی گھرانوں کیلئے اجل کا پیغام بن گیا۔۔موسلادھار بارش کے باعث لاہور سیالکوٹ سمیت کئی شہروں میں زندگی مفلوج ہو کر رہ گئی ہے۔

سیالکوٹ کی تحصیل پسرور میں چھت گرنے سے ایک ہی خاندان کے تین افراد جان بحق ہوگئے۔ جاں بحق افراد میں میاں،بیوی اور بیٹا شامل ہیں، اسلام آباد اور راولپنڈی میں بھی وقفے وقفے سے شدید بارشوں سے نالہ لئی میں پانی کی سطح میں خطرناک حد تک اضافہ ہوگیا ۔

راولپنڈی انتظامیہ کا کہنا ہے کہ نالہ لئی میں کٹاریاں اور گوالمنڈی کے قریب پانی کی سطح سترہ فٹ تک پہنچ گئی۔۔سیلاب کے پیش نظر فوج کو بھی الرٹ رہنے کی ہدایات جاری کر دی گئیں۔۔جہلم میں موسلادھار بارش سے رتیال کےقریب لینڈ سلائیڈنگ سے پتھر ریلوے ٹریک پرآگرے۔ جس کے باعث ٹرینوں کی آمدورفت معطل ہوگئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top