راولپنڈی :پاک فوج نے کوہ قراقرم پر پھنسے سلوانیا کے کوہ پیما کی جان بچالی، بیماری کے باعث اٹھارہ ہزار فٹ کی بُلندی پر پھنس گیا تھا۔
پاک فوج نے سلوانیا کے کوہ پیما کو مشکل سے نکالا، پہاڑوں میں پھنسے بیمار کوہ پیما کی جان بچائی، سلوانیا کے کوہ پیما کیپٹن راک ڈیک مین سات رُکنی ٹیم کے ہمراہ قراقرم کی چوٹی سر کرنے کی مُہم پر تھے۔
کیپٹن راک بیماری کے باعث اٹھارہ ہزار فٹ بلندی پر پھنس گئے اور سطح سمندر سے اتنی بلندی کے باعث کیپٹن کی طبیعت خراب ہوگئی، اطلاع ملتے ہی پاک فوج نے ہیلی کاپٹرآئی ایچ ای کیمپ بھجوادیا۔
آئی ایس پی آرکےمطابق آپریشن میں آرمی ایوی ایشن کے ہیلی کاپٹرنے حصہ لیا، کوہِ قراقرم میں پھنسے سلوانیا کے کوہ پیما کو ریسکیو کرنے کے بعد اسکردو منتقل کردیا گیا، کیپپٹن راک کی طبیعت بہتر بتائی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں