پائن ایپل بنانا شیک
اجزاء
کیلے دو عدد
پائن ایپل آدھا کپ
دودھ دو کپ
چینی دو کھانے کے چمچے
برف حسب ضرورت
ترکیب
بلینڈر میں کیلے، پائن ایپل چٹکس، دودھ، چینی اور برف ڈال کر اچھی طرح بلینڈر کریں، گلاس میں نکالیں اور ٹھنڈا سرو کریں۔
تربوز کا سوڈا
اجزاء
انناس کا جوس آدھی پیالی
تربوز(چوکور ٹکڑے) دو پیالی
کلب سوڈا ایک پیالی
کٹی ہوئی برف ایک پیالی
روز سیرپ ایک کھانے کا چمچہ
تربوز کے چھلکوں سمیت ٹکڑے سجانے کے لئے
ترکیب
بلینڈر میں تمام اجزاء ڈال کر یکجان کر لیں، مزیدار مشروب گلاسوں میں نکالیں اور تربوز کے ٹکڑوں سے سجا کر پیش کریں۔
لیموں اور پودینے کا شربت
اجزاء
سوڈا واٹر ایک بوتل
کٹی ہوئی کالی مرچ ایک چٹکی
برف ایک پیالی
پودینے کی پتیاں ایک پیالی
براؤن چینی ایک کھانے کا چمچ
کالا نمک آدھا چائے کا چمچ
لیموں کا رس چار کھانے کے چمچ
پودینے کے پتے سجانے کے لیے
ترکیب
بلینڈر میں تمام اجزاﺀ یکجان کرلیں، اسے گلاسوں میں ڈالیں اور پودینے کے پتوں سے سجا کر پیش کریں۔
کیری کا شربت
کچے آم کا شربت بھی خاصا فرحت بخش ہوتا ہے۔
اجزاء
کیری ایک کلو
چینی تین پاؤ
پیلا رنگ ایک چٹکی
مینگو ایسنس دو سے تین قطرے
ترکیب:کیری دھو کر چھلکے سمیت ابال لیں، اب چھلکا اتار کر گودا نکال لیں۔ پھر چینی اور پیلا رنگ ڈال کر پکائیں، گاڑھا ہونے پر مینگو ایسنس شامل کرکے اتاریں اور پیش کریں۔
چیری کا شربت
اجزاء
لال شربت آدھی پیالی
سرخ چیری کا جوس 2کھانے کے چمچ
سرخ چیری 10سے 12 عدد
چینی، جام شیریں یا شہد 4کھانے کے چمچ
پودینہ چند پتیاں
پانی 2گلاس
برف حسبِ ضرورت
لیموں کا رس ایک کھانے کا چمچ
ترکیب
بلینڈر میں 2 گلاس پانی میں 4 چمچے جام شیریں، شکر یا شہد اور سرخ چیریز ڈال کر بلینڈ کریں پھر ایک کپڑے میں ڈال کر اس کا رس نچوڑ لیں اور لیموں کا رس شامل کریں۔ مزیدار چیری کا شربت تیار ہے، برف کے ساتھ ٹھنڈا کر کے پیش کریں، بیریز، چیریز اور پودینے کے پتوں کے ساتھ گارنش کریں۔
کھجور کا شیک
اجزاء
کھجور پانچ عدد نرم
دودھ ایک گلاس
الائچی ایک عدد
شہد ایک چمچ
ترکیب
کھجور اگر سخت ہو تو اس کو آدھ گھنٹہ پانی میں بھگو دیں، اس کے بعد گٹھلی نکال دیں اور چھلکا اگر سخت ہے تو اتار دیں۔ الائچی کے دانے نکال کر باریک کوٹ لیں۔ اب کھجوروں شہد اور دودھ کو بلینڈر میں ڈال کر دو منٹ تک مکس کریں، گلاس میں نکال کر الائچی کا سفوف شامل کریں اور ٹھنڈا کر کے پیش کریں۔
