اسلام آباد: پاکستان میں متعین امریکا کے سفیررچرڈ اولسن نے وزیرداخلہ چوہدری نثار علی خان سے ملاقات کی، امریکی سفیر نےدہشت گردی کے خلاف پاکستان کی کوششوں کو سراہا۔
ملاقات میں دو طرفہ تعلقات اور علاقائی سلامتی کی صورتحال پر تفصیلی تبادلہ خیال کیا گیااورآپریشن ضرب عضب سمیت دہشت گردی کے خلاف اقدامات تفصیلی زیرغور آئے۔
وزیر داخلہ کا کہنا تھا کہ دہشت گردی کا خاتمہ پاکستان کے لیے ایک بڑا چیلنج ہے جس پر قابو پاکر خطے میں امن کو یقینی بنایا جائے گا۔
انہوں نے کہا کہ علاقائی استحکام کے لیے دونوں ممالک کے درمیان تعاون اور روابط کا فروغ اہمیت کا حامل ہے۔ اس کے لیے مزید موثر اقدامات کرنے ہوں گے۔ رچرڈ اولسن نے دہشت گردی کے خلاف جنگ اور امن کے قیام کے لیے پاکستان کی کوششو ں کو سراہا۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
