site
stats
خیبر پختونخواہ

رکن کے پی اسمبلی کا اپنی ہی صوبائی حکومت کے خلاف دھرنے کااعلان

پشاور: پاکستان تحریکِ انصاف کی صوبائی حکومت کے رکن جاوید نسیم کا کہنا ہے کہ چند وزراء نےکرپشن اوراقرباپروری کا بازارگرم کیا ہواہے انکے خلاف 15 اکتوبر کو دھرنا دیا جایئگا۔

تحریکِ انصاف کے رکن صوبائی اسمبلی جاوید نسیم نے میڈیا سے بات کرتے ہوئے کہا کہ پرویزخٹک اور ان کے چند وزراء کرپشن کرکے پاکستان تحریک انصاف کو بدنام کررہے ہیں انھوں نے ابھی تک عوام کی خدمت نہیں کی اورنہ ترقیاتی کام کئے بلکہ صرف اسمبلی میں بل پیش کئے اورعمران خان کو جھوٹ بتایا جارہا ہے۔

ایم پی اے جاوید نسیم نے صوبائی حکومت کو تنقید کا نشانہ بناتے ہوئے بتایا کہ کرپشن ابھی بھی کیا جارہا ہے کوئی تبدیلی نہیں آئی صرف زبانی جمع خرچ سے کام لیا جارہا ہے انھوں نے کہا کہ پشاور کے لوگ مایوسی کا شکار ہیں کیونکہ صوبائی حکومت بہتر حکومت نہیں کرسکی۔

گونوازگو اورگوپرویزخٹک گو کانعرہ لگاتے ہوئے جاوید نسیم نے 15 اکتوبر کو صوبائی حکومت کے خلاف دھرنا دینے کا اعلان کیا جس میں وہ وزراء کی کرپشن کے تمام ثبوت بھی پیش کریں گے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top