site
stats
پاکستان

رہنمائی کرنے والے لڑ جھگڑ کر عوام کے اعتماد کو ٹھیس پہنچا رہے ہیں،رحمان ملک

اسلام آباد: سابق وزیرِداخلہ رحمان ملک کا کہنا ہے کہ جب جرگے میں بیٹھے لوگ ہی ایک دوسرے پر الزم تراشی کریں گے تو قوم کا کیا ہوگا جبکہ پاکستان عوامی تحریک کے رہنما رحیق عباسی کا کہنا ہے کہ بحران کے حل کے معاملے میں وزراء کا رویہ آمرانہ ہے۔

پیپلز پارٹی کے رہنماء رحمان ملک نے کہا کہ رہنمائی کرنے والے ایک دوسرے سے لڑ جھگڑ کرعوام کے اعتماد کو ٹھیس پہنچا رہے ہیں،  میڈیا سے گفتگو کے دوران ملک کو درپیش بحران اور مذاکرات کے حل کے حوالے سے انھوں نے کہا کہ نوے فیصد مسائل حل ہو چکے ہیں، وزیر اعظم کے استعفے کا فیصلہ جرگے پر چھوڑ دیا ہے۔

دوسرے جانب پاکستان عوامی تحریک کے رہنمارحیق عباسی نے اے آر وائی نیوز سے بات کرتے ہوئے کہا کہ مذاکرات کے حل کے لیے وزراء کا رویہ جمہوری نہیں، ان کا مزید کہنا تھا کہ ملک میں رائج بادشاہت کہ خاتمے تک ملکی حالت بہتر نہیں ہو سکتے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top