ریحام خان کا پاکستانی ٹی وی چینلز پر اظہارِ برہمی -
The news is by your side.

Advertisement

ریحام خان کا پاکستانی ٹی وی چینلز پر اظہارِ برہمی

اسلام آباد: پاکستان تحریک انصاف کے سربراہ عمران خان کی اہلیہ نے اپنے ٹویٹرپیغام میں ڈیلی میل اورپاکستانی ٹی وی چینلز پر برہمی کا اظہارکیاہے۔

انہوں نے اپنے ٹویٹر پیغام میں کہا ہے کہ آج صبح وہ وجہ سامنے آگئی جس کے سبب وہ ڈیلی میل نہیں دیکھتی اور نہ ہی پاکستانی ٹی وی چینلز دیکھتی ہیں۔

واضح رہے کہ آج برطانوی اخیبار ڈیلی میل نے دعویٰ کیا تھا کہ ریحام خان کے پاس جو ڈگری ہے وہ مصدقہ نہیں ہے پاکستانی ٹی وی چینلز نے برطانوی اخبار کے حوالے سے یہ خبر نشر کی تھی۔

ڈیلی میل کا دعوی ہے کہ ریحام خان نےلنڈسے کالج سے براڈکاسٹ جرنلزم ڈگری لی جبکہ مذکورہ کالج براڈکاسٹ جرنلزم کا کورس کراتا ہی نہیں۔

 

کالج کے ترجمان نے اخبار کو بتایا کہ ریحام خان نامی کسی طالبہ کا ریکارڈ کالج میں موجود نہیں اورنہ ہی اس نام کی کسی طالبہ نے کبھی کالج میں داخلہ لیا۔

واضح رہے کہ ریحام خان تحریکِ انصاف کے سربراہ عمران خان سے شادی کرنے سے قبل ایک نجی ٹی وی چینل سے بحیثیت میزبان منسلک تھیں۔

Comments

comments

یہ بھی پڑھیں