site
stats
پاکستان

رینجرزنےعدالت سے قمرمنصورکاریمانڈ حاصل کرلیا

کراچی: رینجرزنے متحدہ قومی موومنٹ کے رہنماء قمرمنصورکو جوڈیشل مجسٹریٹ کی عدالت میں پیش کرکے ریمانڈ حاصل کرلیا۔

تفصیلات کے مطابق رینجرز نے ایم کیو ایم رابطہ کمیٹی کے سابق انچارج قمر منصورکو جوڈیشل مجسٹریٹ کی عدالت میں پیش کرکے راہداری ریمانڈ حاصل کیا۔

رینجرزذرائع کے مطابق تعطیلات کے سبب جوڈیشل مجسٹریٹ کی عدالت میں پیش کیا گیا اورعید کی تعطیلات کے بعد قمر منصورکو انسدادِ دہشت گردی کی عدالت میں پیش کرکے باقاعدہ ریمانڈ حاصل کی جائے گا۔

قمر منصور کو پاک فوج کے خلاف ایم کیو ایم کے قائد الطاف حسین کی نفرت آمیز تقاریر میں سہولت کار کی حیثیت سے گرفتار کیا گیا ہے۔

عید سے ایک رات قبل رینجرز نے ایم کیو ایم کے مرکزنائن زیرو پرچھاپہ مارکررابطہ کمیٹی کے موجودہ انچارج کیف الوریٰ اور قمر منصور کو حراست میں لیا تھا۔

کیف الوریٰ کو ابتدائی تفتیش کے بعد رینجرز نے جانے کی اجازت دی دے تھی۔

اسی رات ایم کیو ایم کے ممبر قومی اسمبلی حیدر عباس رضوی کی گرفتاری کے لئے بھی ان کی رہائش گاہ پر چھاپہ مارا گیا تھا لیکن وہ اپنی رہائش گاہ پر موجود نہیں تھے۔

واضح رہے کہ ایم کیو ایم کے سیاسی مرکز پر رینجرز کا یہ دوسرا چھاپہ تھا اس سے قبل 11 مارچ 2015 کو رینجرز نے 90پر ریڈ کیا تھا جس میں سینئررہنماء عامرخان سمیت بڑی تعداد میں کارکنان کو گرفتار کیا گیا تھا۔


ایم کیوایم کے رہنماء عامرخان کے خلاف مقدمہ درج کرلیا گیا


بعد ازاں عامرخان کو 30 جون 2015 کو عدالت نے ضمانت سے رہا کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top