site
stats
پاکستان

رینجرز کو 90 پر بہت پہلے کاروائی کرنا چاہئیے تھی، عمران خان

اسلام آباد: پاکستان تحریکِ انصاف کے سربراہ عمران خان نے متحدہ قومی موومنٹ پرتنقید کرتے ہوئے کہا کہ رینجرز کی یہ کاروائی دیرآید درست آید کے مصداق ہے۔

میڈیا سے گفتگو کرتے ہوئے تحریک انصاف کے سربراہ کا ایم کیوایم کے مرکزنائن زیرو پرچھاپے کے متعلق کہنا تھا کہ رینجرزکو یہ کاروائی بہت پہلے کرنی چاہیئے تھی۔

انہوںنے الزام عائد کرتے ہوئے کہا کہ ایم کیوایم کے لوگوں نے پی ٹی آئی کی سینئر ورکرزہرہ شاہد کو قتل کیا، انہوں نے یہ بھی کہاکہ اگرتحریک انصاف کے دفتر سے اسلحہ ملتا تو اب تک پابندی لگائی جاچکی ہوتی۔

عمران خان کا کہنا تھا کہ کراچی میں دہشت گردی کےخاتمےکیلئےفوجی عدالتیں لگائی جائیں جب تک دہشتگردی کامسئلہ موجودہےفوجی عدالتوں کوکام کرناچاہیئے۔

این اے 122 میں ووٹوں کی تصدیق کے معاملے پر گفتگو کرتے ہوئے انہوںنے کہا کہ یہ ایک ٹیسٹ کیس ثابت ہورہا ہے، 2013 کے الیشن میں سب نے دھاندلی کی شکایت کی لیکن تحریک انصاف واحد جماعت ہے جو دھاندلی ذمہ داروں کو سزا دلانے کا مطالبہ کررہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top