site
stats
پاکستان

رینجرز کے اختیارات صرف کراچی تک محدود ، سندھ حکومت کی وضاحت

کراچی : سندھ حکومت نے وضاحت کی ہے کہ وفاقی حکومت انسداد دہشت گردی ایکٹ 1997کے تحت سندھ حکومت کو کراچی میں رینجرز کی تعیناتی کی اجازت دیتی ہے یہ تاثر غلط ہے کہ سندھ حکومت نے صرف اس مرتبہ رینجرز کو اختیارات صرف کراچی کیلئے دیئے ہیں۔

ترجمان کی جانب سے جاری بیان میں کہا گیا ہے کہ سندھ حکومت خلوص نیت کے ساتھ نیشنل ایکشن پلان کو کامیاب کرنے کیلئے رینجرز کے اختیارات میں توسیع کی ہے، جس کی سندھ اسمبلی سے مزید توسیع کرائی جائے گی ۔

ترجمان کے مطابق سندھ حکومت کراچی سمیت صوبے بھر میں امن و امان بحال کرنے کیلئے سنجیدہ ہے یہ تاثر دینے کی کوشش کی جارہی ہے کہ شاید فوجی قیادت اور سندھ حکومت ایک پیج پر نہیں ہے جو بلکہ غلط اور بے بنیاد ہے، آرمی چیف جنرل راحیل شریف نے ہمیشہ نیشنل ایکشن پلان پر عملدر آمد کرنے پر سندھ حکومت کی تعریف کی ہے۔

ترجمان کے مطابق سندھ حکومت کی نیت پر شک کرنا زیادتی ہوگی، کراچی میں امن و امان کی بحالی میں رینجرز کی خدمات اور قربانیاں ناقابل فراموش ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top