site
stats
پاکستان

ریونیوبورڈ نے ڈی جے بٹ سے ایک کروڑ ستر لاکھ روپے ٹیکس مانگ لیا

اسلام آباد : تحریک انصاف کے جلسوں کی جان ڈی جے بٹ کے ستارے گردش میں آگئے،عمران خان نے تاحال بل ادا نہ کیا اوراوپر سے ریونیوبورڈ نے بھی ٹیکس مانگ لیا۔

تفصیلات کے مطابق پاکستان تحریک انصاف کے دھرنوں میں رونق لگانے والے ڈی جے بٹ کے ستارے ان دنوں گردش میں ہیں۔

دھرنے کے ہیرو کو ابھی محنت کا پھل بھی نہیں ملا تھا کہ بات بنتے بنتے رہ گئی اور پنجاب ریونیو اتھارٹی نے ڈی جے بٹ کو ٹیکس ادائیگی کا نوٹس بھیج دیا۔

ڈی جے بٹ نے تحریک انصاف کے دھرنوں کے دوران گیارہ کروڑ روپے کمائے لیکن ٹیکس ادا نہیں کیا۔جس کے باعث ایڈیشنل کمشنر عائشہ رانجھا نے ڈی جے بٹ کو نوٹس بھیج دیا کہ ایک کروڑ ستر لاکھ روپے فوری ادا نہ کئے تو جیل بھی جا سکتے ہیں۔

دوسری جانب ڈی جے بٹ کا یہ حال ہے کہ جو اس کی تانوں پر تھرکتے تھے وہ  اب فون اس کا اٹھانے کے بھی روا دار نہیں ۔ اب دیکھنا یہ ہے تحریک انصاف ڈی جے بٹ کا اور ڈی جے بٹ ریونیو بورڈ کا ادھار کیسے چکائیں گے؟

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top