The news is by your side.

Advertisement

زاہد عرف تماں بٹ چار ساتھیوں سمیت گرفتار

گوجرانوالہ : شادی کے تقریب کے دوران ہوائی فائرنگ کرنے والے مرکزی ملزم کو پولیس نے چار ساتھیوں سمیت گرفتار کرلیا ہے۔

شادی کی تقریب کے دوران خوشی میں ہوائی فائرنگ کرنے والے مشہور کیس کے مرکزی ملزم زاہد عنایت عرف تماں بٹ کو کینٹ پولیس نے شہر میں داخل ہوتے ہوئے چار ساتھیوں سمیت گرفتار کر لیا ہے۔

 پولیس نے تماں بٹ کے خلاف شہر کے تین مختلف تھانوں میں فائرنگ کرنے ، بھتہ وصول کرنے اور خوف و ہراس پھیلانے کے الزام میں مقدمات درج کر رکھے تھے۔

 پولیس نے ایک ہنگامی پریس کانفرنس میں اس کیس کے مرکزی ملزم کو میڈیا کے سامنے پیش کرتے ہوئے کہا کہ ملزم زاہد عنایت عرف تماں بٹ ہوائی فائرنگ کیس کے علاوہ مزید تین مقدمات میں پولیس کو پہلے سے ہی مطلوب تھا جس کی گرفتار ی کے لیے چھاپے بھی مارے جا رہے تھے۔

دوسری طرف تماں بٹ کا کہنا تھا کہ میں ایک سیاسی آدمی ہوں اور میں نے ایم پی اے کا الیکشن بھی لڑا ہے۔

 اسکا کہنا تھا کہ شادی پر فائرنگ کا اعتراف کرتا ہوں جس پر میں پولیس افسران سمیت اعلیٰ پارٹی قیادت سے شرمندہ ہوں۔

 تماں بٹ کا کہنا تھا کہ اسپر شادی میں فائرنگ کرنے والے مقدمہ کے علاوہ تمام مقدمات بے بنیاد ہیں، تماں بٹ کی گرفتاری کے بعد اسکے ساتھی پولیس اسٹیشن پہنچ گئے جہاں انہوں نے تماں بٹ زندہ باد، تماں بٹ بے قصور کے نعرے لگائے۔

Print Friendly, PDF & Email

Comments

comments

یہ بھی پڑھیں