زرداری اثاثہ جات کیس: فاروق نائیک نے مہلت طلب کرلی -
The news is by your side.

Advertisement

زرداری اثاثہ جات کیس: فاروق نائیک نے مہلت طلب کرلی

اسلام آباد: سپریم کورٹ میں سابق صدر آصف علی زرداری کے اثاثہ جات سے متعلق کیس کی 12 سال بعد سماعت ہوئی، سابق صدر کے وکیل کی جانب سے دی گئی مہلت کی درخواست منظورکرلی گئی۔

تفصیلات کے مطابق پیپلز پارٹی کے شریک چیئرمین اورسابق صدرآصف علی زرداری کے اثاثہ جات سے متعلق درخواست دائر کی گئی تھی۔ سا بق صدر کے وکیل نے کیس کے مطالعے کے لئے وقت طلب کیا۔

درخواست گزار کا موٗقف تھا کہ آصف زرداری کی جائیداد غیر قانونی ذرائع سے حاصل کی گئی ہے۔

آصف علی زرداری کے وکیل فاروق ایچ نائیک عدالت میں پیش ہوئے اوراستدعا کی کہ کیس بارہ سال بعد عدالت میں آیا ہے لہذا انہیں کیس سے متعلق دستاویزات کے مطالعے کے لئے کچھ وقت درکار ہے۔

عدالت نے فاروق ایچ نائیک کی درخواست منظور کرتے ہوئے سماعت غیرمعینہ مدت کے لئے ملتوی کردی۔

Comments

comments

یہ بھی پڑھیں