The news is by your side.

Advertisement

زمبابوے کرکٹ ٹیم نے دورہ پاکستان سے معذرت کرلی

کراچی: زمبابوے کرکٹ ٹیم نے دورہ پاکستان سے معذرت کرلی ہے۔

تفصیلات کے مطابق زمبابوے کرکٹ ٹیم نے پاکستان دورہ کرنے سے معذرت کرلی ہے، زمبابوے کرکٹ ٹیم کے ترجمان کا کہنا ہے کہ موجودہ حالات میں پاکستان کا دورہ نہیں کرسکتے ہیں۔

زمبابوے کرکٹ بورڈ نے جلد بازی میں دورہ پاکستان سے معذرت کرلی اور پھر یو ٹرن لیتے ہوئے پی سی بی کو حتمی فیصلہ آنے تک انتظار کرنے کا کہہ دیا ہے۔

 زمبابوے کے کوچ ڈیو واٹمور نے بھی حکام کو قائل کرنے کی کوشش کی، واٹمور نے باور کرایا کہ لاہور نسبتاً محفوظ ہے،دورہ ہونا چاہیئے۔

 دورہ نہ ہونے کی صورت میں زمبابوے کو پانچ لاکھ ڈالرز کا نقصان ہوگا، اگست میں پاکستان اپنا دورہ زمبابوے بھی ختم کرسکتا ہے، زمبابوے کرکٹ کے نئے چیئرمین ولسن مینس نے پاکستان کرکٹ بورڈ کے چیئرمین کو فون کرکے کہا فیصلہ جمعہ کو کرینگے، شہریار خان پرامید ہیں کہ دورہ ہوجائیگا۔ امید پر دنیا قائم ہے۔

واضح رہے کہ آج پی سی بی چئیرمین شہریار خان کا کہنا تھا کہ وہ پرعزم ہیں کہ زمبابوے کا دورہ پروگرام کے مطابق ہوگا، کراچی واقعہ پر تحفظات ضرور ہیں لیکن کوئی بات حتمی نہیں۔

Comments

comments

یہ بھی پڑھیں