The news is by your side.

Advertisement

زیتون کا تیل، بیشمار فوائد کا حامل

زیتون کے تیل کے بے شمار فوائد ہیں، یہ ہمارے جسم کو اندرونی طور پر فائدہ پہنچاتا ہے۔

کھانا پکانے میں زیتون کے تیل کا ستعمال بے حد مفید ہے، کولیسٹرول کو کنٹرول میں رکھتا ہے، ساتھ ہی کینسر کے خلاف مدافعت بھی پیدا کرتا ہے، زیتون کا تیل بالوں میں پابندی سے لگانے سے بال چمکدار، ملائم اور خوبصورت ہوجاتے ہیں۔ بالوں کے علاوہ زیتون کا تیل جِلد کیلئے بھی مفید ہے۔

زیتون کا تیل جِلد کی خشکی بھی دور کرتا ہے، جس سے جِلد صحت مند اور خوب صورت ہوجاتی ہے، ٹریٹ جنرل کی ایک رپورٹ کے مطابق زیتون کاتیل قدرتی موئسچرائر کا کام دیتا ہے، اس کا مساج نہ صرف جلد کو چمکد ار بناتا ہے بلکہ جلدی امراض سے بچاؤ میں بھی مدد دیتا ہے۔

برطانیہ کی مقامی یونیورسٹی میں ہونے والی تحقیق میں ثابت ہوا ہے کہ زیتون کے تیل کے استعمال سے دل کی شریانیں زیادہ بہتر طور پر کام کرتی ہیں اور اس کے مسلسل استعمال سے دل کا دورہ پڑنے کا خطرہ بہت کم ہو جاتا ہے۔

تحقیق کے مطابق روزانہ زیتون کے تیل کا استعمال کیا جائے تو یہ نہ صرف دل کو بیماریوں سے بچاتا ہے بلکہ اسے تندرست بھی رکھتا ہے۔ زیتون کے تیل میں صحت کو برقرار رکھنے والا اومیگا 6 عنصر پایا جاتا ہے۔ جو جسم کو خطرناک بیماریوں کی طرف جانے سے روکتا ہے۔

ڈاکٹرز کے نزدیک زیتون کا تیل دل کی بیماریوں کو ہی نہیں بلکہ بلڈ پریشر کو کنٹرول کرنے میں بھی مددگار ثابت ہوتا ہے اور خون میں صحت مند اور نقصان پہنچانے والے فیٹس کے درمیان توازن برقرار رکھتا ہے۔

Print Friendly, PDF & Email

Comments

comments

یہ بھی پڑھیں