The news is by your side.

Advertisement

افضل خان کے پاس ثبوت ہیں تووہ عوام کے سامنے لائیں، رحمان ملک

کراچی: پیپلزپارٹی کے رہنماء سینیٹر رحمان ملک نے کہا ہے کہ سابق ایڈیشنل سیکریٹری الیکشن کمیشن محمد افضل خان کے پاس ثبوت ہیں تو وہ عوام کے سامنے لائیں۔

سابق صدر آصف علی زرداری کے ہمراہ کراچی سے چائنا روانگی سے قبل اے آروائی نیوز سے خصوصی گفتگو کرتے ہوئے رحمان ملک کا کہنا تھا کہ حکومت طاہر القادری اور عمران کے درمیان اختلافات ڈائیلاگ سے ہی حل ہونگے، انہوں نے کہا کہ دنیا کی نظریں پاکستان پر لگی ہوئی ہیں اور موجودہ سیاسی صورتحال معیشت پر اثر انداز ہورہی ہے۔

انہوں نے کہا کہ سیاسی صورتحال تصادم کی طرف جارہی ہے، جس سے ملک کو اور عوام کو نقصان ہوگا، سینیٹر رحمان ملک نے کہا کہ عمران خان سے ڈائیلاگ کے لئے پیپلزپارٹی نےپانچ رہنماوٗں پر مشتمل کمیٹی بنائی ہے، جس میں خورشید شاہ، اعتزاز احسن، قمرزمان قائرہ اور وہ خود شامل ہیں۔

انہوں نے کہا کہ سابق صدر آصف علی زرداری حکومت اور مارچ کرنے والی جماعتوں کے درمیان کشیدگی ختم کرانے کیلئے کوشاں ہیں،  ملک نازک دور سے گزر رہا ہے، فوج نے ضرب عضب آپریشن میں اہم کامیابی حاصل کی ہیں، تمام تر سیاسی صورتحال میں حکومت کوشمالی وزیرستان کے متاثرین کو نہیں بھولنا چاہیئے۔

انہوں نے کہا کہ صدر آصف علی زرداری چائنا کے وزیراعظم اور وہاں کی جماعتوں کی دعوت پر چائنا کے چار روزہ دورے پر گئے ہیں، جہاں وہ دونوں ممالک کے باہمی امور اور ترقی پر بات کریں گے۔

Print Friendly, PDF & Email

Comments

comments

یہ بھی پڑھیں