The news is by your side.

Advertisement

سابق خاتون اول بیگم نصرت بھٹو کی برسی آج منائی جارہی ہے

گڑھی خدا بخش: پاکستان کی سابق خاتون اول بیگم نصرت بھٹو کی آج تیسری برسی گڑھی خدا بخش میں عقیدت و احترام سے منائی جا رہی ہے۔ نصرت بھٹو کی برسی کے موقع پر سیکیورٹی کے سخت انتطامات کئے گئے ہیں۔

تفصیلات کے مطابق پاکستان کی سابق خاتون اول بیگم نصرت بھٹو کی  آج تیسری برسی گڑھی خدا بخش میں عقیدت و احترام سے منائی جارہی ہے۔ نصرت بھٹو شاید سیاسی گھرانے کی پہلی ایسی خاتون ہوںگی جنہوں نے اپنی زندگی میں شوہر اور تین بچوں کی لاشیں اٹھائیں۔

نصرت بھٹو کی برسی کے موقع پر سکیورٹی کے سخت ترین انتظامات کیے گئے ہے۔ گڑھی خدا بخش اور نوڈیرو میں صدارتی ہاوس پرنوجوان پولیس اہلکار ڈیوٹی سر انجام دے رہے ہیں۔ نصرت بھٹوں کے مزار پر حاضری کے لیے عقیدت مندوں اور کارکنوں کی آمد کا سلسلہ بھی جاری ہے۔ مزار پر آنے والے حاضرین کے لیے لنگر کا اہتمام بھی کیا گیا ہے۔

وہ پاکستان پیپلز پارٹی کے بانی چیئرمین ذوالفقار علی بھٹو کی اہلیہ اور سابق وزیر اعظم بینظیر بھٹو کی والدہ ہے۔ بیگم نصرت بھٹو کی برسی کے موقع پر پیپلز پارٹی کے زیرو اہتمام ملک بھر کے تمام چھوٹے اور بڑے شہروں میں قرآن خوانی اور فاتحہ خوانی کی تقریبات کا انعقاد کیا جا رہا ہے جب کہ مرکزی تقریب گڑھی خدا بخش میں ہوگی۔

سابق صدر آصف علی زرداری نے بیگم نصرت بھٹو کی تیسری برسی کے موقع پر اپنے بیان میں انھیں زبردست خراج عقیدت پیش کرتے ہوئے کہا کہ بیگم نصرت بھٹو ایک عظیم شخصیت اور بہادری کا مجسمہ تھیں، انھوں نے اپنی ذاتی زندگی میں جمہوری جدوجہد کے دوران بے پناہ مصائب برداشت کیے اور مستقبل کی نسلوں کے لئے راستوں کو روشن کیا۔

Print Friendly, PDF & Email

Comments

comments

یہ بھی پڑھیں