ساف ویمن فٹ بال چیمپئن شپ:سری لنکا نے پاکستان کو ہرا دیا -
The news is by your side.

Advertisement

ساف ویمن فٹ بال چیمپئن شپ:سری لنکا نے پاکستان کو ہرا دیا

اسلام آباد :تیسری ساف ویمن فٹ بال چیمپئن شپ کا آغاز ہو گیا ایونٹ کے افتتاحی میچ میں سری لنکا نے میزبان پاکستان کو دو ایک گولز سے ہرا دیا۔اسلام آباد کے جناح اسٹیڈیم میں تیسری ساف ویمن فٹ بال چیمپئن شپ کا افتتاح وفاقی وزیر برائے بین الصوبائی رابطہ میاں ریاض حسین پیرزادہ نے کیا۔

افتتاحی میچ سری لنکا اور پاکستان کی ٹیموں کے درمیان کھیلا گیا۔ پہلے ہاف کے تینتسویں منٹ میں سری لنکا نے گول اسکور کرکے برتری حاصل کی۔ جو ہاف کے اختتام تک برقرار رہی ۔

دوسرے ہاف کے اکیاسیویں منٹ سری لنکا نے ایک اور گول برتری کو ڈبل کرلیا۔ میچ ختم ہونے سے چند منٹ قبل پاکستان کی کپتان حاجرہ نے گول کرکے حریف ٹیم کا خسارہ کم کیا۔ سری لنکا نے ایک کے مقابلے دو گول سے کامیابی سمیٹ کر ایونٹ کا کامیاب افتتاح کیا۔

Comments

comments

یہ بھی پڑھیں