The news is by your side.

Advertisement

سانحۂ شکارپور: عمران خان شہداء کے لواحقین سے تعزیت کے لئے پہنچ گئے

 

شکارپور: تحریکِ انصاف کے سربراہ عمران خان شکار پور پہنچ گئے، امام بارگاہ دھماکے میں شہید ہونے والے افراد کے ورثاء سے تعزیت کی۔

تفصیلات کے مطابق شہداء کے لواحقین سے تعزیت کے لئےجمعرات کی دوپہرعمران خان شکار پورپہنچے، اس موقع پر تحریکِ انصاف کے نائب صدر شاہ محمود قریشی اورمقامی عہدیداران سمیت پی ٹی آئی کارکنان کی بڑی تعداد موجود تھی۔

تحریک انصاف کے سربراہ تعزیت کے لئے لکھی در امام بارگاہ تشریف لے گئے ، شہدا کے ورثاء سے تعزیت کرتے ہوئے ان کا کہنا تھا کہ معاملے کوعالمی سطح پراٹھائیں گے۔

ان کا کہنا تھا کہ شکارپوربم دھماکوں میں کون ملوث ہے سب کو معلوم ہے، یہ بھی معلوم کیا گیا ہے کہ دہشت گردوں کی مالی مدد کون کرتا ہے۔

واضح رہے کہ گزشتہ ماہ شکارپورامام بارگاہ لکھی درمیں نمازِجمعہ کے دوران ہونے والے ایک خود کش حملے میں 65 سے زائد افراد شہید ہوئے جب کہ متعدد افراد اس حملے میں زخمی ہوئے تھے۔

Print Friendly, PDF & Email

Comments

comments

یہ بھی پڑھیں