سانحۂ پشاورکواپنی طاقت بنائیں گے، پرویزرشید -
The news is by your side.

Advertisement

سانحۂ پشاورکواپنی طاقت بنائیں گے، پرویزرشید

 

اسلام آباد: وزیراطلاعات پرویز رشید کا کہنا ہے اکیسویں آئینی ترمیم ملک کو مضبوط بنائے گی اورملک سے دہشت گردی کا ہرصورت خاتمہ کیا جائے گا۔

ہفتے کی شام میڈیا سے گفتگوکرتے ہوئے مسلم لیگ ن کے رہنماء کا کہنا تھا کہ قومی لائحہ عمل ملک کو استحکام دینے کے کے لئے طے کیا گیاہے۔

انہوں نے یہ بھی کہا کہ پوری قوم سانحۂ پشاور کے غم میں مبتلا ہے ہم اس سانحے سے کمزور نہیں ہوں گے بلکہ اسے اپنی طاقت بنائیں گے۔

انہوں نے عمران خان کو تنقید کا نشانہ بناتے ہوئے کہاکہ جن چارحلقوں کو کھولنے کا مطالبہ کیا جارہا تھا وہ کبھی بند تھے ہی نہیں لیکن کچھ لوگوں نے جھوٹ بول کر پوری قوم کو اذیت میں مبتلارکھا۔

ان کے مطابق الیکشن ٹربیونل کے فیصلے کا سب سے زیادہ انتظار مسلم لیگ ن کو تھا۔

پرویزرشید کا کہنا تھا کہ این اے 122 میں ووٹوں کی دوبارہ گنتی میں ایاز صادق کے ووٹ مزید بڑھیں ہیں جبکہ عمران خان کے ووٹ کم ہوئے ہیں۔

وفاقی وزیر نے اس عزم کا اعادہ کیا کہ ملک کے طول و عرض سے ہر صورت دہشت گردی کا خاتمہ کرکے ملک کو پرامن بنایا جائے گا۔

Comments

comments

یہ بھی پڑھیں