الطاف حسین کی سیکیورٹی اداروں سے متعلق سخت جملوں پرمعذرت -
The news is by your side.

Advertisement

الطاف حسین کی سیکیورٹی اداروں سے متعلق سخت جملوں پرمعذرت

لندن : ایم کیوایم کے قائد الطاف حسین نے قانون نافذ کرنیوالے اداروں سے متعلق سخت جملوں پر معذرت کرتے ہوئے کہا کہ ان کا مقصد کسی کی بھی دل آزاری کرنا نہیں تھا وہ قومی اداروں کا احترام کرتے ہیں۔

ایم کیوایم کے قائد الطاف حسین نے کہا ہے کہ گزشتہ دنوں انہوں نے چند خطابات میں قانون نافذ کرنے والے اداروں کے بعض افراد کے بارے میں کچھ سخت جملے ادا کئے تھے، جس پر وہ اُن سے معذرت خواہ ہیں۔

الطاف حسین نے کہا کہ ان کا مقصد کسی کی بھی دل آزاری کرنا نہیں تھا، وہ قومی اداروں کا کل بھی احترام کرتے تھے اور آج بھی کرتے ہیں۔

الطاف حسین کا مزید کہنا تھا کہ سانحہ بلدیہ ٹاؤن قیامت صغریٰ سے کم نہ تھا، حکومتی اداروں کی غیرجانبدارانہ تحقیق اور ملکی عدالتوں سے جن عناصر پر بھی جرم ثابت ہو، انہیں کڑی سے کڑی اور عبرتناک سزا دی جائے۔

الطاف حسین نے کہا کہ سانحہ بلدیہ ٹاون ظلم وبربریت ، حیوانیت اور سفاکیت کا کھلا ثبوت تھا، جس میں گارمنٹس فیکٹری میں کام کرنے والے ڈھائی سوسے زائد مزدور آگ لگنے کی وجہ سے جل کر خاکستر ہوگئے۔

انہوں نے کہاکہ ملک اس وقت انتہائی مشکل دور سے گزر رہا ہے۔ ایک طرف تو مسلح افواج ان دہشت گردوں سے نبردآزما ہیں، جوعبادت گاہوں، مزارات اور بازاروں میں خودکش حملے کرکے آئے روز ہزاروں معصوم افراد کو موت کی نیند سلا رہے ہیں۔

دوسری طرف کچھ عناصر ان کی آج بھی بالواسطہ یا بلاواسطہ حمایت کررہے ہیں، جس کی جتنی بھی مذمت کی جائے کم ہے۔

Comments

comments

یہ بھی پڑھیں