site
stats
پاکستان

سانحہ صفورا میں ملوّث ملزمان کو گواہان نے شناخت کرلیا

کراچی: سانحہ صفورا کے ملزمان سعد صدیقی اور طاہر حسین کو گواہوں نے شناخت کرلیا۔ تفصیلات کے مطابق سانحہ صفورا کیس کی کارروائی جوڈیشل مجسٹریٹ ملیر کی عدالت میں ہوئی۔

دو مرکزی ملزمان سعد صدیقی اور طاہر حسین کو سخت حفاظتی انتظامات میں عدالت کے سامنے پیش کیا گیا۔ اس موقع پر پانچ گواہان بھی عدالت میں پیش ہوئے جن میں تین خواتین اور دو مرد شامل تھے۔

سانحہ صفورہ کے 5 زخمیوں جن میں دو خواتین، ایک نوعمر بچی اور 2 مردوں نے باری باری ملزمان کو شناخت کیا۔ ہر گواہ نے ملزمان کو تین تین بار شناخت کیا۔

شناختی پریڈ کے دوران گواہوں نے ملزمان کو شناخت کرتے ہوئے عدالت کو بتایا کہ دونوں ملزمان نے صفورا گوٹھ کے قریب پہلے بس رکنے کا اشارہ کیا پھر اس میں گھس کر اندھا دھند فائرنگ شروع کر دی ۔ جس کے نتیجے میں سینتالیس سے زائد افراد جاں بحق جبکہ چھ زخمی ہوئے ۔

واضح رہے کہ سانحہ صفورہ کے 5 ملزمان کا مقدمہ انسداد دہشت گردی کورٹ میں زیر سماعت ہے اور تمام ملزمان جسمانی ریمانڈ پر ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top