The news is by your side.

Advertisement

سانحہ صفورہ: جاں بحق ہونے والے 43 افراد کی نمازِجنازہ ادا کردی گئی

کراچی: سانحہ صفورہ میں جاں بحق ہونے والے 43 افراد کی نمازِجنازہ ادا کرتی گئی، تدفین سخی حسن قبرستان میں کی جائے گی۔

گزشتہ روزصفورہ چورنگی پرموٹرسائیکل سوارنامعلوم افراد نے الاظہر گارڈن کی بس پرفائرنگ کردی تھی، جس کے نتیجے میں اسمعیلی کمیونٹی سے تعلق رکھنے والے 43افراد جاں بحق جبکہ 13 افراد زخمی ہوگئے تھے، زخمیوں کو مختلف اسپتالوں میں منتقل کیا گیا تھا، بس میں خواتین اور بچے بھی سوار تھے۔


اسماعیلی کمیونٹی کی بس پر فائرنگ ، 43 افراد جاں بحق


تفصیلات کے مطابق سانحے میں جاں بحق ہونے والے افراد کی نمازِجنازہ آج بروزجمعرات صبح ساڑھے نو بجے الاظہر گارڈن میں ادا کی گئی۔

اس موقع پر قانون نافذ کرنے والے اداروں  اور اسماعیلی اسکاؤٹس کی جانب سے سیکیورٹی کے سخت ترین انتظامات کئے گئے تھے۔

نمازِ جنازہ میں الاظہر گارڈن اور کریم آباد جماعت خانے سے متعلق افراد کے علاوہ اسماعیلی برادری کی اعلیٰ شخصیات اور اہم سیاسی شخصیات نے شرکت کی۔

شہرکے دیگرعلاقوں کےجماعت خانوں سے تعلق رکھنے والے افراد سے سیکیورٹی خدشات کے پیشِ نظر شرکت نہ کرنے کی اپیل کی گئی تھی۔


 پرنس کریم آغا خان کی مذمت اوراظہارِافسوس


سانحے میں جاں بحق ہونے والے افراد کی تدفین سخی حسن کے النورسوسائٹی اسماعیلی قبرستان میں کی جائے گی۔

Comments

comments

یہ بھی پڑھیں