سانحہ لاہور: گاڑیاں توڑنے والےگلوبٹ کے ریمانڈ میں توسیع -
The news is by your side.

Advertisement

سانحہ لاہور: گاڑیاں توڑنے والےگلوبٹ کے ریمانڈ میں توسیع

لاہور:  سانحہ ماڈل ٹاؤن کے کردار گلو بٹ نے کس کے کہنے پر گاڑیاں توڑیں، پولیس اب تک پتہ نہ چلا سکی۔عدالت نے ملزم کے جسمانی ریمانڈ میں مزید پانچ روز کی توسیع کردی۔

 سانحہ لاہورمیں گاڑیاں توڑنے والا گلو بٹ ریمانڈ پر پھر پولیس کے حوالے کر دیا گیا، انسداد دہشت گردی عدالت میں مقدمےکی سماعت شروع ہوئی تو فیصل ٹاؤن پولیس نے گلوبٹ کو چھ روزہ جسمانی ریمانڈ کے بعد دوبارہ عدالت میں پیش کیا ۔

پولیس نے مؤقف اختیار کیا کہ گلوبٹ نے جس ڈنڈے سے گاڑیوں کی توڑ پھوڑ کی وہ تو برآمد کرلیا ہے لیکن ملزم نے جس پستول سے فائرنگ کی وہ ابھی برآمد کرنا ہے جبکہ یہ تفتیش بھی کرنی ہے کہ توڑ پھوڑ کس کےکہنے پر کی گئی اور اس کے پیھچے کونسے عناصر ہیں لہذا گلوبٹ کے جسمانی ریمانڈ میں توسیع کی جائے۔

عدالت نے پولیس کی درخواست منظور کرتے ہوئے گلوبٹ کے ریمانڈ میں پانچ روز کی توسیع کردی اور پولیس سے آئندہ سماعت پر تفتیش سے متعلق رپورٹ طلب کرلی ۔ہے۔

Comments

comments

یہ بھی پڑھیں