site
stats
اہم ترین

سانحہ ماڈل ٹاؤن ہٹ کردار گُلو بٹ کیس کی سماعت 9اگست تک ملتوی

لاہور: انسداد دہشت گردی عدالت نے سانحہ ماڈل ٹاون کے مرکزی کردار گلو بٹ کے خلاف مقدمے کی سماعت نو اگست تک ملتوی کرتے ہوئے پولیس کو جلد چالان مکمل کرنے کا حکم دے دیا۔

گُلو بٹ کوآج چودہ روزہ جوڈیشل ریمانڈ مکمل ہونے کے بعد عدالت میں پیش کیا گیا، اس موقع پر سیکورٹی کے سخت انتظامات تھے، اس موقع پر ایس ایچ او سبزہ زارعامر سلیم سمیت پانچ پولیس اہلکاروں کو بھی عدالت میں پیش کیا گیا، اہلکاروں میں ایس آئی حافظ اظہر سمیت تین کانسٹیبل شامل ہیں، گرفتار اہلکار سات روزہ جسمانی ریمانڈ پر تھے۔

پولیس کی جانب سے استدعا کی گئی کہ مزید تفتیش کیلئے مہلت دی جائے، جس پرعدالت نے پولیس کو تفتیش جلدازجلد مکمل کرکے چالان عدالت میں پیش کرنے کی ہدایت کی جبکہ گرفتار پانچ پولیس اہلکاروں کے جسمانی ریمانڈ میں بھی چھ روز کی توسیع کردی گئی، عدالت نے ایس ایچ او عامر سلیم ، ایس آئی حافظ اظہر سمیت ملزمان کے جسمانی ریمانڈ میں توسیع کرتے ہوئے پولیس کو ہدایت کی انھیں آٹھ اگست کو دوبارہ پیش  جائے اور کیس کی سماعت نو اگست تک ملتوی کردی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top