The news is by your side.

Advertisement

سانحہ ماڈل ٹاؤن: وزیراعلی پنجاب،راناثنااللہ ودیگرکی کالزکا ریکارڈپیش

لاہور: سانحہ ماڈل ٹاون جوڈیشل کمیشن میں وزیراعلی پنجاب سمیت اہم شخصیات کی ٹیلی فونک گفتگو کا ریکارڈ پیش کر دیا گیا، آئی ایس آئی اور آئی بی نےبھی رپورٹ جمع کروادی۔

سانحہ ماڈل ٹاون کی تحقیقات جاری ہیں،جسٹس علی باقر نجفی کی سربراہی میں جوڈیشل ٹریبونل میں جوائنٹ انوسٹی گیشن ٹیم کی جانب سے وزیر اعلی پنجاب ، رانا ثنااللہ ،ڈاکٹر توقیر شاہ ، آئی جی پنجاب ،چیف سیکرٹری پنجاب سمیت اعلی حکام کی سانحہ کے روز ٹیلی فون پر ہونے والی گفتگو کا ریکارڈ پیش کیا گیا، تاہم مکمل ریکارڈ پیش کرنے کے لیے مہلت کی استدعا کی گئی جسے منظور کرتے ہوئے ٹریبونل نے سماعت سولہ جولائی تک ملتوی کر دی۔

دوسری طرف سانحہ ماڈل ٹاون کے روز گاڑیاں ٹوڑنے والے گلو بٹ کو چھہ روزہ جسمانی ریمانڈ کے بعدعدالت میں پیش کیا گیا، تاہم پولیس نے گلو بٹ سے مزید تفتیش کے لیے عدالت سے ریمانڈ میں پانچ روز کی مزید توسیع کی درخواست پیش کی جسے عدالت نے منظور کرتے ہوئے گلو بٹ کے ریمانڈ میں توسیع دیدی۔

Print Friendly, PDF & Email

Comments

comments

یہ بھی پڑھیں