جے آئی ٹی کا پہلا اجلاس، منہاج القران کو بیان قلم بند کرانے کیلئے نوٹس جاری -
The news is by your side.

Advertisement

جے آئی ٹی کا پہلا اجلاس، منہاج القران کو بیان قلم بند کرانے کیلئے نوٹس جاری

لاہور: سانحہ ماڈل ٹاؤن کی انکوائری پر قائم جوائنٹ انوسٹی گیشن ٹیم کا پہلا اجلاس سی سی پی او کوئٹہ عبدالرزاق چیمہ کی سربراہی میں لاہور میں ہوا۔

سانحہ ماڈل ٹاؤن کی انکوائری کیلئے قائم جے آئی ٹی کے پہلے اجلاس میں پولیس اور حساس اداروں کے نمائندوں نے شرکت بھی کی، جس میں پنجاب پولیس کی جانب سے اے آئی جی ریجنز شہزاد اکبر،ڈی ایس پی سی آئی اے خالد ابوبکر ،آئی ایس آئی کی جانب سے کرنل احمد اور انٹیلی جنس بیورو کے محمد علی نے شرکت کی ۔

تین گھنٹے تک جاری جے آئی ٹی کے پہلے اجلاس میں گزشتہ تحقیقات سمیت پولیس افسران کے بیان حلفی اور دیگر تحقیقات کا تفصیلی جائزہ لیا گیا۔ ذرائع کے مطابق سانحہ ماڈل ٹاون کی تحقیقات کےلیے جوائنٹ انوسٹی گیشن ٹیم نے ادارہ منہاج القرآن کے ڈائریکٹر ایڈمن جواد حامد کو نوٹس جاری کیا ہے ، جس میں انہیں جے آئی ٹی کے سامنے پیش ہونے کا کہا گیا ہے۔

منہاج القرآن کے ترجمان نور اللہ صدیقی کے مطابق انہیں جے آئی ٹی سے جاری کردہ کوئی نوٹس موصول نہیں ہوا، اور انھیں جے آئی ٹی پر انہیں اعتماد نہیں ہے۔

Comments

comments

یہ بھی پڑھیں