site
stats
پاکستان

سانحہ ماڈل ٹاؤن کے اصل ملزم طاہرالقادری ہیں، رانا ثناء اللہ

لاہور:  سابق صوبائی وزیر قانون رانا ثنا اللہ نے سانحہ ماڈل ٹاؤن کا ملزم ڈاکٹر طاہرالقادری کو قراردے دیا۔

اے آر وائی نیوز لاہور سے ٹیلی فونک بات چیت کرتے ہوئے رانا ثنا اللہ نے کہا کہ ڈاکٹر طاہر القادری سانحہ منہاج القرآن کے مرکزی ملزم ہیں، جوائنٹ انویسٹی گیشن ٹیم ان سے خوفزدہ ہونے کی وجہ سے انہیں شامل تفتیش نہیں کررہی، ڈاکٹر طاہر القادری کی رات دو بجے سے صبح گیارہ بجے تک کے ٹیلی فونک کالز،اور ٹوئٹس کو بھی شامل تفتیش کیا جائے، وہ لوگوں کو پولیس پر حملوں کے لئے مشتعل کرتے رہے ہیں ۔

رانا ثنا اللہ نے کہا کہ چھ گھنٹے تک پولیس کو مزاحمت کا سامنا کرنا پڑا، لوگوں کو لائن میں کھڑا کرکے گولیاں نہیں چلائیں، طاہر القادری نے جان بوجھ کر شواہد کو ضائع کیا، جوائنٹ انویسٹی گیشن ٹیم خوفزدہ ہے کہ موبائل ڈیٹا لے لیا یا تفتیش کی تو وہ اگلے دن پریس کانفرنس کردیں گے۔

سابق صوبائی وزیر قانون کا کہنا تھا کہ اگر مدعی یا ملزم تفتیش کا بائیکاٹ کرنا شروع کردیں تو عدالتی نظام منہدم ہو جائے گا، تفتیش کو صاف شفاف بنانے کے لئے وزارت چھوڑی، حقائق تک پہنچنے کے لئے مدد کررہا ہوں، سانحہ کے روز وزیراعلیٰ سے کوئی بات نہیں ہوئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top