سانحہ ماڈل ٹاون کے مرکزی کردار گلوبٹ پر فرد جرم عائد -
The news is by your side.

Advertisement

سانحہ ماڈل ٹاون کے مرکزی کردار گلوبٹ پر فرد جرم عائد

لاہور:  انسداد دہشت گردی کی خصوصی عدالت نے سانحہ ماڈل ٹاون کے مرکزی کردار گلوبٹ پر فرد جرم عائد کردی ہے۔

عدالت کی جانب سے گلوبٹ پر عائد کی گئی فرد جرم میں دہشت پھلانے ، توڑ پھوڑ اور اقدام قتل کا ملزم ٹھرایا گیا ہے، گلوبٹ کی جانب سے صحت جرم سے انکار کیا گیا، جس کے بعد عدالت نے استغاثہ کے گواہان کو شہاداتوں کے لیے طلب کرلیا ہے۔

گلوبٹ کے خلاف پولیس کی جانب سے جمع کرائے گئے چالان میں بھی اسے ذمہ دار ٹھہرایا گیا ہے۔

پولیس کے مطابق گلوبٹ کی توڑ پھوڑ سے پورے ملک میں دہشت کی لہر پھیلی، لہذا اس کے خلاف دہشت گردی کی دفعات عائد کی گئی جو قانون کے مطابق ہیں۔

گلوبٹ کی جانب سے مؤقف اختیار کیا گیا کہ اس کے خلاف مقدمے میں عائد تمام دفعات معمولی نوعیت کی تھیں مگر پولیس نے بعد میں بدنیتی سے اس میں دہشت گردی اور اقدام قتل کی دفعات شامل کیں ، جس کا پولیس کے پاس نہ تو کوئی ثبوت ہے اور نہ ہی گواہ ، گلوبٹ کے خلاف سانحہ ماڈل ٹاون کے دوران گاڑیوں کی توڑ پھوڑ اور دہشت پھلانے کے الزام میں مقدمہ درج کیا گیا تھا۔

Comments

comments

یہ بھی پڑھیں