The news is by your side.

Advertisement

سانحہ مستونگ: لواحقین کا احتجاج، سیاسی رہنماؤں کی واقعہ پرشدید مذمت

مستونگ: مسافروں کے بہیمانہ قتل کی سیاسی و سماجی رہنماؤں نے شدید مزمت کی۔

مستونگ میں دہشت گردی کے واقعے میں بے گناہ افراد کی ہلاکت پر سیاسی وسماجی رہنماؤں نے دکھ اورافسوس کا اظہار کرتے ہوئے شدید مذمت کی، وزیراعلی ڈاکٹرعبدالمالک بلوچ نے افسوس کا اظہار کرتے ہوئے کہا کہ واقعہ میں ملوث عناصرکی بیخ کنی کے لیے تمام تر وسائل بروئے کار لائے جائیں۔

پی ٹی آئی کےچئیر مین عمران خان نے دکھ کا اظہارکرتے ہوئے کہا کہ ریاست شہریوں کوجان و مال کا تحفظ دینے میں ناکام نظر آرہی ہے۔

ایم کیو ایم کے قائد الطاف حسین نے واقعہ کی شدید مذمت کی۔

امیرجماعت اسلامی سراج الحق نےمتاثرہ خاندانوں سےگہری ہمدردی اور تعزیت کا اظہار کیا ،دیگر سیاسی رہنماؤں نےبھی واقعے کی مذمت کی جبکہ بلوچستان میں کاروباری تنظیموں نےآج ہڑتال کا اعلان کیا ہے۔

دوسری جانب مستونگ واقعے میں جاں بحق افراد کی میتیں سول اسپتال لائی گئیں تو لواحقین نے لاشیں ایمبولینسز سے اتارنے سے انکار کردیا ،لواحقین نے اپنے پیاروں کےبہیمانہ قتل پرغم وغصےکا اظہار کیا اور اسپتال کے باہر دھرنا دیتے ہوئے حکومت کے خلاف شدید نعرے بازی کی۔

لواحقین کا کہنا تھا کہ کوئی حکومتی نمائندہ اسپتال میں موجود نہیں جو حکومت کی بے حسی کا منہ بولتا ثبوت ہے، لواحقین نے میتوں کو گورنر ہاؤس کے باہر رکھ کر احتجاج کا اعلان کیا۔

Comments

comments

یہ بھی پڑھیں