site
stats
پاکستان

سانحہ ملتان کی تحقیقاتی رپورٹ، وزیرِاعلیٰ پنجاب شہباز شریف کو پیش

لاہور:سانحہ ملتان کی تحقیقاتی رپورٹ وزیرِ اعلیٰ پنجاب شہباز شریف کو پیش کردی گئی ہے، رپورٹ کے مطابق جلسہ گاہ میں گنجائش سے زیادہ لوگ موجود تھے

 سانحہ ملتان کی رپورٹ کے مطابق سانحہ ملتان میں اموات دم گھٹنے کے باعث ہوئیں، تحریکِ انصاف کے جلسے کیلئے جگہ کا تعین درست نہیں تھا، پی ٹی آئی ملتان کے صدر نے ڈی سی او کو آگاہ کیا تھا کہ جلسے میں پینتیس سے چالیس ہزار افراد آسکتے ہیں جبکہ جلسہ گاہ میں موجود افرادکی تعداد ساٹھ سے پچھتر ہزار کے لگ بھگ تھی۔

شاہ محمود قریشی کی تقریر کے دوران جلسہ گاہ میں موجود افراد نے باہرنکلنے کی کوشش کی جبکہ باہر موجود افراد نے اندر جانے کی کوشش کی، جس کی وجہ سے جلسہ گاہ میں بھگڈر مچی، بھگدڑ مچنے کے بعد اسٹیج سے جلسے کو کنٹرول کرنے کیلئے خاطر خواہ اقدامات نہیں کئے گئے۔

رپورٹ میں بتایا گیا ہے کہ قاسم باغ اسٹیڈیم کے دیگرگیٹ سیکورٹی مسائل کے باعث بند کئے گئے تھے، بھگدڑ کی ذمہ داری پی ٹی آئی یا ضلعی انتظامیہ پر نہیں ڈالی جا سکتی کیونکہ وقوعہ میں کسی کی بدنیتی شامل نہیں تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top