سانحہ یوحنا آباد، 28ملزمان کو 14روزہ جوڈیشل ریمانڈ پر جیل بھجوا دیا -
The news is by your side.

Advertisement

سانحہ یوحنا آباد، 28ملزمان کو 14روزہ جوڈیشل ریمانڈ پر جیل بھجوا دیا

لاہور: انسداد دہشتگردی کی خصوصی عدالت نے سانحہ یوحنا آباد کےاٹھائیس ملزمان کوچودہ روزہ جوڈیشل ریمانڈ پر جیل بھجوا دیا۔

پولیس کی جانب سے عدالت میں ملزمان کو سخت سیکورٹی میں پیش کیا گیا ، پولیس نے عدالت کو بتایا کہ سولہ ملزمان دو افراد کو زندہ جلانے اور بارہ ملزمان ہنگامہ آرائی اور توڑ پھوڑ کے الزام میں گرفتار کئے گئے ہیں، ابھی ان کی شناخت پریڈ ہونا باقی ہے لہذا انہیں جیل بھجوایا جائے۔

عدالت نے پولیس کی استدعا پر تمام ملزمان کو چودہ روزہ جوڈیشل ریمانڈ پر جیل بجھوا دیا اور حکم دیا کہ شناخت پریڈ کے بعد ملزمان کو تیرہ اپریل کو دوبارہ پیش کیا جائے۔

یاد رہے کہ کچھ روز قبل پولیس نے یوحنا آباد میں 2 افراد کو زندہ جلانے اور ہنگامہ آرائی میں ملوث 108 ملزمان کو گرفتار کیا تھا، پولیس کا کہنا ہے کہ گرفتار ملزمان میں سے زیادہ تر مقامی ہیں جب کہ مزید شرپسندوں کی گرفتاری کے لئے بھی چھاپے مارے جارہے ہیں۔

واضح رہے کہ لاہور میں دو چرچوں پر یکے بعد دیگرے دھماکوں کے نتیجے میں 21 افراد جاں بحق ہوئے تھے جبکہ دھماکوں کے بعد مشتعل افراد نے دو افراد کو زندہ جلادیا تھا، جن کی شناخت بابر نعمان اور محمد نعیم کے نام سے ہوئی تھی۔

Comments

comments

یہ بھی پڑھیں