ساہیوال سنٹرل جیل، 2 قیدیوں کو پھانسی دینے کی تیاریاں آخری مراحل میں -
The news is by your side.

Advertisement

ساہیوال سنٹرل جیل، 2 قیدیوں کو پھانسی دینے کی تیاریاں آخری مراحل میں

ساہیوال: سنٹرل جیل میں 2 قیدیوں کو پھانسی دینے کی تیاریاں آخری مراحل میں پہنچ گئیں، دونوں مجرموں کو کل 25 مارچ کو تختہ دار پر لٹکایا جائے گا۔

سینٹرل جیل ساہیوال میں قید سزائے موت کے دو قیدیوں شہباز اور جعفر کو پھانسی دینے کیلئے سیشن جج اوکاڑہ نے ڈیتھ وارانٹ جاری کئے تھے۔

شہباز نے 1998 میں مصطفے آباد اوکاڑہ میں فائرنگ کر کے عاصم بیگ کو قتل کیا تھا۔

کل پھانسی پانے والے جعفر نے دیپالپور میں 1997 میں اپنے حقیقی بھائی خلیل اور بہن سعیدہ کو فائرنگ کر کے قتل کیا تھا۔

دونوں مجرموں کی ہائی کورٹ اور سپریم کورٹ سے اپیلیں خارج ہو چکی ہیں اور صدر مملکت نے رحم کی اپیلیں بھی مسترد کر دی ہیں۔

Comments

comments

یہ بھی پڑھیں