site
stats
اہم ترین

سب کے ساتھ قانون کے مطابق برتاؤکروں گا، رضا ربانی

اسلام آباد: چیئرمین سینٹ کے عہدے کے لئے نامزد سینٹر رضا ربانی کا کہنا ہے کہ سب کے ساتھ قانون اورسینٹ کے ضابطے کے مطابق برتاؤ کریں گے۔

وزیراعظم نوازشریف نے آج دوپہر سیاسی رہنماؤں کو ظہرانے کی دعوت دی تھی اوراس دعوت میں وزیر اعظم نے متحدہ اپوزیشن کے متفقہ امیدواررضا ربانی کی حمایت کااعلان کیا تھا۔

اعلان کے بعد رضاربانی نے اے آر وائی نیوز سے گفتگو کرتے ہوئے کہا کہ سینٹ کا کام قانون سازی ہے اور اسے ایک فعال ادارہ بنانا ہے جس کے لئےتمام جماعتوں کو اپنا کردارادا کرنا ہوگا۔

ڈپٹی اسپیکرسے متعلق پوچھے گئے سوال کے جواب میں انہوں نے اپنی رائے کا اظہار کرتے ہوئے کہا کہ’ان کے مطابق ڈپٹی چیئرمین بلوچستان سے ہونا چاہیئے‘، لیکن حتمی فیصلہ سیاسی رہنماء ہی کریں گے۔

انہون نے پیپلز پارٹی کے شریک چیئرمین آصف علی زرداری اور وزیر اعظم سمیت تمام رہنماؤں کا شکریہ بھی ادا کیا کہ ان پر اعتماد کا اظہار کر کے انہیں بلا مقابلہ چیئرمین سینٹ منتخب کیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top