site
stats
اہم ترین

ستمبرکے اختتام تک حکومت نہیں ہوگی، ڈاکٹرطاہرالقادری

اسلام آباد: علامہ طاہرالقادری نےحکومت کے خاتمے کی ڈیڈ لائن دے دی، انہوں نے کہا کہ رواں ماہ میں ہی حکومت ختم ہوجائےگی۔

اسلام آباد میں اپنے کنٹینرمیں میڈیاسے گفتگو کرتے ہوئے پاکستان عوامی تحریک کے سربراہ علامہ طاہرالقادری نے ایک مرتبہ پھر حکومت کے خاتمے کی ڈیڈ لائن دیتے ہوئے کہا کہ فتح یاب ہوکرجائیں گےاور حکومت ستمبرکے اختتام تک ختم ہوجائےگی۔

ڈاکٹرطاہرالقادری کا کہنا تھا کہ ہم اپنی جدوجہد کوفرانسیسی اورروسی انقلاب کی بنیاد پر آگے بڑھائیں گے، انہوں نے کہا کہ جب نواز شریف وزیرِاعظم بنتے ہیں تو فوج سے کشیدگی شروع ہو جاتی ہے، عوامی تحریک نے انتخابات میں صرف ایک دو بار ہی حصہ لیا، ہم حقیقی جمہوریت اور انتخابی اصلاحات کیلئے جدوجہد کررہے ہیں۔

ڈاکٹر طاہرالقادری نے پارلیمنٹ میں جمہوریت کے چیمپئنز بننے والوں پرحیرت کااظہارکیا،ان کاکہناتھا پہلےفیصلے جی ایچ کیو اور اب این ایچ کیو یعنی نوازشریف ہیڈ کوارٹراورآرایچ کیو یعنی رائے ونڈ ہیڈ کوارٹر میں ہوتے ہیں۔

ایک سوال کے جواب میں ڈاکٹرطاہرالقادری کاکہناتھا کہ انہوں نے زندگی بھر ٹیکس ادا کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top