لاہور: امیرِجماعتِ اسلامی سراج الحق کا کہنا ہے کہ حکومت کی جانب سے قومی اداروں کی نجکاری کے خلاف فروری میں تحریک شروع کریں گے۔
پنجاب کے صوبائی دارالحکومت میں میڈیا سے گفتگو کرتے ہوئے انہوں نے کہا کہ ہم پی آئی اے اور پاکستان ریلوے کی نجکاری نہیں ہونے دیں گے۔
انہوں نے اس عزم کا اظہار کیا کہ کسی بھی صورت مزدوروں کے حقوق پامال نہیں ہونے دیں گے، حکومت سے لیبر فنڈ کے آڈٹ کا مطالبہ کریں گے۔
انہوں نے کہا کہ ملک کے معاشی حالات کے باعث مزدوروں کو شدید مالی مشکلات کا سامنا کررہا ہے جب تک مزدوروں کو ان کے حقوق نہیں دئیے جائیں گے تب تک ملک ترقی نہیں کرسکتا۔
ایک سوال کے جواب میں انہوں نے کہا کہ بھاتی جارحیت کا بھرپور جواب دینے کی ضرورت ہے۔
سراج الحق نے نے ایک اورسوال کا جواب دیتے ہوئے کہا کہ پی ٹی آئی اور حکومت کے مابین معاملات پر امن طریقے سے حل ہونے چاہیئں۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
