The news is by your side.

Advertisement

سرمایہ کاروں کی سہولت کاری کے لئے مسلسل کوشاں ہیں: وزیر اعظم

پاک امریکا بزنس کونسل کے وفد کی وزیر اعظم سے ملاقات، حکومت کی معاشی پالیسیوں پر اعتماد کا اظہار

اسلام آباد: وزیر اعظم عمران خان نے کہا ہے کہ سرمایہ کاروں کی سہولت کاری کے لئے مسلسل کوشاں ہیں.

ان خیالات کا اظہار وزیر اعظم نے پاک امریکا بزنس کونسل کے وفد سے ملاقات کے موقع پر کیا.

60 کی دہائی میں مثالی ترقی کاعمل 70 کی دہائی میں قومیانے کی پالیسی سے جمود کا شکار ہوگیا

وزیر اعظم

اس موقع پر  ان کا کہنا تھا کہ حکومت کاروباری طبقے کوہرممکن سہولت دینے کے لئے پرعزم ہے.

وزیر اعظم نے کہا کہ 60 کی دہائی میں مثالی ترقی کاعمل 70 کی دہائی میں قومیانے کی پالیسی سے جمود کا شکار ہوگیا، ہم کاروبارمیں آسانیاں پیداکرنے پرخصوصی توجہ دے رہے ہیں.

وزیر اعظم عمران خان کا کہنا تھا کہ متعلقہ ادارے سرمایہ کاروں کی سہولت کاری کے لئے مسلسل کوشاں ہیں، امید ہے، مثبت نتائج سامنے آئیں گے.

یو ایس پاکستان بزنس کونسل کے وفد کی سربراہی ڈاکٹرمحمود خان نے کی، وفد میں پاکستانی سرزمین پر کام کرنے والی معروف کمپنیوں کےنمائندے شامل تھے.

مزید پڑھیں: وزیر اعظم کا گزشتہ ادوار میں خرچ کی گئی تمام رقم ریکور کرنے کا فیصلہ

ملاقات میں مشیرخزانہ حفیظ شیخ، مشیرتجارت رزاق داؤد، چیئرمین سرمایہ کاری بورڈ اور دیگر بھی موجود تھے.

پاک امریکا بزنس کونسل کے وفد نے پاکستان میں کام کرنے والی مختلف امریکی کمپنیوں سے متعلق، پاکستان میں اپنی کاروباری سرگرمیوں اور تجارتی حجم سےبھی آگاہ کیا.

وفد نے  پی ٹی آئی حکومت کی معاشی پالیسیوں اور اقدامات پربھر پور اعتماد کا اظہار کیا.

Comments

comments

یہ بھی پڑھیں