site
stats
پاکستان

سرکاری ملازمتوں میں بھرتیوں کی نئی پالیسی جاری

اسلام آباد: اسٹیبلشمنٹ ڈویژن نے سرکاری ملازمتوں میں بھر تیوں کی نئی پالیسی جاری کر دی ہے۔نئی پالیسی کے تحت گریڈ سولہ سے اوپر بھرتیاں پبلک سروس کمیشن کے ذریعے ہوگی

۔سرکاری ملازمتوں میں بھرتی کے لئے نئی پالیسی جاری کردی گئی ہے۔ جس کے کا اطلاق تمام سرکاری محکموں خود مختار نیم خود مختار اداروں، اتھارٹیوں اورکارپوریشنوں پرہوگا۔

گریڈ سولہ سے اُوپر کے ملازمین کی بھرتی پبلک سروس کمیشن کے ذریعے ہوگی۔ اگریڈ تین سےپندرہ تک کے ملازمین کی بھرتی سول سرونٹس کے رول پندرہ جبکہ گریڈایک سے تین کے ملازمین کی بھرتی سول سروس کے رول سولہ کے تحت ہوگی۔

بھرتی سے قبل تمام اداروں کو اپنے بھرتی کے قوانین وضع کر نے ہوں گے۔ پالیسی کے تحت خالی اسامیوں کے لیئے اخبارات میں اشتہار دینا ہوں گے۔ اورپندرہ دن کے اندرخالی اسامیوں کے لیئے درخواستیں وصول کی جائیں گی۔

ملازمتوں کا اشتہار شائع ہونے کے بعد ساٹھ دن میں بھرتی کا عمل مکمل کر نا ہو گا۔ کسی بھی اسامی کے لیئے میرٹ پر سختی سے عملد درآمد کیا جائے گا۔ پالیسی کے مطابق سفارش یا اثر ورسوخ استعمال کر نے والے امیدوارکونااہل قراردیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top