site
stats
اہم ترین

سرگودھا:اراضی کا تنازع، فائرنگ سے 5افراد جاں بحق

سرگودھا: کوٹ مومن میں دو گروہوں کے درمیان اراضی کے تنازع پر ایک گروہ کی فائرنگ سے پانچ افراد جاں بحق ہوگئے، وزیراعلٰی شہباز شریف نے واقعہ کا نوٹس لے لیا ہیں۔

سرگودھا کے علاقے کوٹ مومن کے نواحی گاؤں کوٹ راجہ کے رہائشی پانچ افراد اعجاز، توقیر، غلام حسین، نوید اور صفدر عدالت میں پیشی کیلئے گاڑی میں بھلوال جا رہے تھے کہ گھات لگائے مخالف گروپ نے شدید فائرنگ کردی جس کے نتیجے میں پانچ افراد جاں بحق ہوگئے۔

مقتولین کی لاشیں بھلوال ہسپتال منتقل کر دی گئیں ہیں ۔

وزیراعلٰی شہباز شریف نے واقعہ کا نوٹس لیتے ہوئے آر پی او سرگودھا سے ہلاکتوں اور دونوں گروپوں کے درمیان تنازع کی رپورٹ طلب کر لی ہے، وزیرِاعلی نے متعلقہ حکام سے افسوسناک سانحہ میں ملوث ملزمان کی گرفتاری کی ہدایت کی۔

دونوں گروپوں کے درمیان اراضی کا تنازع تھا، گذشتہ ماہ بھی دونوں گروپوں کے درمیان فائرنگ کے نتیجے میں دو افراد ہلاک ہوئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top