The news is by your side.

Advertisement

سرگودھا میں اور بچہ دم توڑ گیا، تین دن میں ہلاکتوں کی تعداد 18ہو گئی

سرگودھا: سرگودھا ڈسڑکٹ ہیڈ کوارٹر اسپتال میں ایک اور بچہ دم توڑ گیا ہے۔ تین روزمیں جاں بحق بچوں کی تعداد اٹھارہ ہوگئی ہے جبکہ تحقیقاتی رپورٹ سامنے نہیں آسکی ہے۔

سرگودھا کے سرکاری اسپتال میں بچوں کی اموات کا سلسلہ نہ تھم سکا اور اس حوالے سے تحقیقاتی ٹیم کی رپورٹ بھی سامنے نہیں آسکی ہے۔ سرگودھا کے ڈسٹرکٹ ٹیچنگ اسپتال کےبچہ وارڈ میں ڈاکٹروں کی عدم موجودگی اورطبی عملے کی غفلت کی وجہ سے ایک اورماں کی گوداُجاڑگئی ہے۔ جس کے بعد اڑتالیس گھنٹوں کے دوران زندگی کی بازی ہارنے والے نوازئیدہ بچوں کی تعداد پندرہ ہوچکی ہے اور تین دن میں یہ تعداد 18 ہو گئی ہے۔

ہلاک ہونے والے بچوں کے والدین کا کہنا ہے کہ اموات کا ذمہ دار اسپتال کا عملہ ہے۔ والدین نے یہ بھی شکایت کی ہے کہ وارڈ کا عملہ انتہائی بدتمیزی کرتا ہے۔ دوسری جانب اسپتال کا عملہ اور ڈاکٹر بچوں کی اموات طبعی قراردے رہے ہیں۔

وزیراعلیٰ پنجاب شہباز شریف نے واقعے کا نوٹس لیتے ہوئے تحقیقاتی ٹیم تشکیل دی تھی۔ جسے آج رپورٹ وزیرِاعلیٰ کوپیش کرنا ہے تاہم تحقیقاتی کمیٹی کی رپورٹ اب تک سامنے نہیں آسکی ہے۔

Print Friendly, PDF & Email

Comments

comments

یہ بھی پڑھیں