کولمبو : سری لنکا کے خلاف دوسرے ون ڈے میں ناکامی نے پاکستان کو آئی سی سی رینکنگ میں ایک مرتبہ پھر نویں نمبر پر پہنچا دیا۔
آئی سی سی رینکنگ میں کبھی پاکستان آگے تو کبھی ویسٹ انڈیز، سری لنکا سے دوسرے ون ڈے میں ہار نے گرین شرٹس کو پھر سے وہیں لاکھڑا کردیا، رینکنگ میں آٹھویں پوزیشن پر آنے کے لئے پاکستان کو پھر سے فتح درکار ہے۔
قومی ٹیم آخری تینوں میچ جیت کر ویسٹ انڈیز پر چار پوائنٹس کی برتری تو لے سکتا ہے لیکن چیمئنز ٹرافی میں کون جائے گا اس کا فیصلہ سہ ملکی سیریز کرے گی۔
رینکنگ میں ویسٹ انڈیز اٹھاسی پوائنٹس کے ساتھ آٹھویں نمبر پر موجود ہے، میگا ایونٹ کے لئے تیس ستمبر کی تاریخ تک رینکنگ میں ٹاپ آٹھ میں آنے والی ٹیمیں ہی کوالیفائی کرسکیں گی۔
بنگلہ دیش کوالیفائی کرچکا ہے، اب مقابلہ پاکستان اور ویسٹ انڈیز کے درمیان ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں