site
stats
کھیل

سری لنکا نے اسکاٹ لینڈ کو 148 رنز سے شکست دے دی

ہوبارٹ : ورلڈ کپ میں اسکاٹ لینڈ مسلسل پانچواں میچ بھی ہارگیا۔ سری لنکا نے باآسانی ایک سو اڑتالیس رنز سے ہرا کرپول اے میں دوسری پوزیشن حاصل کرلی۔

\تفصیلات کے مطابق ہوبارٹ میں سری لنکن ٹائیگرز نےاسکاٹ لینڈ کا شکار کیا ۔دلشان اور سنگاکارا کی سنچریوں کی بدولت آئرلینڈرز نے اسکاٹش ٹیم کی بینڈ بجادی۔

سری لنکا نے ٹاس جیت کر بیٹنگ کا فیصلہ کیا، تھرمانے صرف چار رنز پر پویلین لوٹ گئے، دلشان اور سنگاکارا نے ناتجربہ کار بولنگ اٹیک پر خوب ہاتھ صاف کیے۔

سنگاکارا نے کیرئیر کی پچسیویں اوردلشان نے کیرئیر کی بائیسویں سنچری بنائی۔ اننگز کے اختتامی لمحات میں انجیلو متیھوز نے بیس گیندوں پر ورلڈ کپ کی دوسری تیز ترین ففٹی جڑدی۔

سری لنکا نے پچاس اوورز میں نو وکٹ پر تین سو ترسٹھ رنز بنائے۔ جوش ڈیوے نے چار کھلاڑیوں کو آؤٹ کیا۔  جواب میں اسکاٹش ٹیم لنکن فاسٹ بولرز کو جم کر نہ کھیل سکی۔

کولاسیکرا اور چامیرا نے تین ، تین اور ملنگا نے دو کھلاڑیوں کو ٹھکانے لگایا۔ اسکاٹ لینڈ مقررہ اوورز کھیلے بغیر دو سو پندرہ رنز پر ڈھیر ہوگئی، سنگاکارا شاندار سنچری پر میچ کے بہترین کھلاڑی قرار پائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top