کراچی: ڈاکٹر علی رضا قتل کیس میں سزا یافتہ مجرموں کو سزائے موت پرعملدرآمد کے لئے سندھ پولیس نے سکھر سے کراچی منتقل کرنے کا فیصلہ کیا ہے۔
تفصیلات کے مطابق سزائے موت کےمجرمان اعظم اورعطاءاللہ کو تین فروری کو تختہ دارپر لٹکایا جائے گا دونوں مجرموں نے کراچی کے ڈاکٹر علی رضا کو قتل کیا تھا اوراسی جرم میں ان کو اب سکھرجیل کے بجائے کراچی جیل میں پھانسی دی جائے گی۔
سینٹرل جیل سکھرمیں قید کلعدم تنظیم سے تعلق رکھنے والے دونوں مجرموں اعظم اور عطاءاللہ کو تین فروری کو پھانسی دینے کے لیئے کراچی کی خصوصی عدالت نے ڈیتھ وانٹ جاری کیے تھے اوران کو سکھر سینٹل جیل میں پھانسی دی جانی تھی لیکن ورثاءنے عدالت میں درخواست دائرکی تھی کہ ان کو سزا کے لئےکراچی منتقل کیاجائے۔
عدالت کی جانب سے اجازت ملنے کے بعد جیل سپرنٹنڈنٹ شاہد علی نے ان کو کراچی جیل منتقل کرنے کے لیے ایس ایس پی سکھرسے پولیس نفری طلب کرلی ہے اوران کو کراچی متقل کرنے کے لیے تمام تیاریاں مکمل کردی گئی ہیں۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
