The news is by your side.

Advertisement

سزائے موت کے 3قیدیوں کو تختہ دار پر لٹکا دیا گیا

پنجاب :لاہور، ملتان اور ساہیوال میں سزائے موت کے تین قیدیوں کو تختہ دار پر لٹکا دیا گیا جبکہ فیصل آباد میں مقتول کے لواحقین کے معاف کرنے پر مجرم کی پھانسی روک دی گئی۔

لاہور کي کوٹ لکھپت جيل ميں سزائے موت کے ايک اور قيدی کو پھانسی دے دی گئی، جيل ذرائع کے مطابق عرفان عرف راشد نے دوہزار بارہ ميں خالد اور امتياز نامی دو افراد کو فائرنگ کر کے قتل کر ديا تھا۔

ساہیوال سینٹر جیل میں سزائے موت کے قیدی مجرم وزیرِ احمد عرف وزیرا کے ڈیتھ وارنٹ جاری ہونے کے بعد آج تختہ دار پر لٹکا دیا گیا، مجرم نے گھریلو رنجش کی بناء پر اعظم نامی شخص کو قتل کردیا تھا۔

ملتان میں مجرم عبدالغفار کو پھانسی دے دی گئی، مجرم نے انیس سو چھیانوے میں ایک شخص کو قتل کیا تھا۔

فیصل آباد کی ڈسٹرکٹ جیل میں سزائے موت کے مجرم سلیم کی پھانسی عین وقت پر روک دی گئی، مقتول کے لواحقین نے آخری لمحات میں مجرم کومعاف کردیا ۔

Comments

comments

یہ بھی پڑھیں