سستی شہرت کیلئے عمران خان خدائی دعوے نہ کریں، ایم کیو ایم رابطہ کمیٹی -
The news is by your side.

Advertisement

سستی شہرت کیلئے عمران خان خدائی دعوے نہ کریں، ایم کیو ایم رابطہ کمیٹی

کراچی : ایم کیو ایم رابطہ کمیٹی نے آزاد کشمیر کے جلسے میں عمران خان کی جانب سےالطاف حسین کو دھمکی دینے کی مذمت کی ہے۔

ایم کیو ایم رابطہ کمیٹی نے ایک بیان میں کہا ہے کہ عمران خان کشمیری عوام پر بھارتی مظالم کے خلاف احتجاج کے بجائےکروڑوں عوام کے قائد کے خلاف ہرزہ سرائی کرکے سستی شہرت حاصل کرنے کی کوشش کررہے ہیں۔

رابطہ کمیٹی نے کہاکہ عمران خان کشمیری اور پاکستانی عوام کو بے وقوف نہ سمجھیں اور بزدلوں کی طرح مسئلہ کشمیر سے بھاگنے اور موضوع بدلنے کے بجائے کھل کر اس مسئلہ پر اپنا موٴقف بیان کریں۔

رابطہ کمیٹی نے کہاکہ عمران خان زمین پر خدائی دعوے نہ کریں کیونکہ کس کا وقت آگیا ہے اور کس کا وقت نہیں آیا یہ صرف اللہ ہی بہتر جانتا ہے۔

واضح رہے کہ میر پور آزاد کشمیر میں تحریک انصاف کے انتخابی جلسے سے خطاب کرتے ہوئے سربراہ تحریک انصاف عمران خان نے ایم کیو ایم کے قائد الطاف حسین کو شدید تنقید کا نشانہ بناتے ہوئے کہا ہے کہ اب فرعون کی طرح الطاف حسین کا بھی وقت آ گیاہے، ان کا کہنا تھا کہ جلد ہی کراچی میں بھی جلسہ کرکے الطاف حسین کو شکست سے دو چار کروں گا۔

Comments

comments

یہ بھی پڑھیں